Berisha: Kanë lëshuar urdhër-arreste për gruan dhe partneren e Ahmetajt! Ish-ministri po të dojë të më kontaktojë

Ish-kryeministri Sali Berisha në një konferencë për mediat ka njoftuar se për ish-bashkëshorten dhe për partneren aktuale të ArbenAhmetajt, SPAK ka lëshuar urdhër-arreste.

Ai u shpreh se këtë informacion i ka marrë nga buyrime të besueshme, por shton se SPAK s’duhet të merret vetëm me këto zonja, port ë kapë Ramën, Veliajn dhe Agaçin, që sipas tij janë kryesorët e kësaj afere.

Përsa i përket kërcënimeve që ka marrë Ahmetaj, denoncim që e bëri vetë dje, Berisha tha se nuk ka komunikuar me ish-ministrin, por këto ia ka thënë qytetari digjital.

“Nuk kam komunikuar drejtpërdrejtë me Arben Ahmetajt. Ai po të dojë mund të shkruajë çdo gjë në telefonin tim. I kam marrë nga qytetari dixhital. Këto akuza të qytetarit dixhital i ka marrë direkt nga Ahmetaj. Unë jam i ndjeshëm. Ahmetaj u largua duke paraqitur sms kërcënuese që i ishin dërguar. Këto sms prokuroria duhet t’i hetonte. Apo ishin këto për skenarin e azilit të tij, këtë nuk e di. Por di të them se Ahmetaj ka informuar, është njeri me njohje të shumta, njerëz të cilët iu ka rrëfyer se është akuzuar madje edhe nga kriminelë të qelive të burgjeve. Për të dy zonjat, ish-bashkëshortet dhe bashkëshorten, burime pothuajse, mjaftë të besueshme më thonë se është lëshuar urdhër-arresti. Skam asgjë, por çfarë tingëllon këtu?! Të lëshon urdhër-arrest për këto zonja dhe të sillet Veliaj, Agaçi, Rama, të lihen të lirë se janë bazë e kësaj vjedhje, ky është akt që dëshmon se përpiqesh me çdo kusht që të mbash çështjen”, tha Berisha.