Një person i kërkuar dhe me masë sigurie arrest në burg është kapur nga policia në Vlorë në fshatin Kotë teksa po udhëtonte me makinë i armatosur me pistoletë.
Në pranga ka rënë 31-vjeçari me inicialei Jurgen Zota. Bashkë me të u arrestua edhe shoku i tij që ishte në makinë, Ermal Binjaku, 34 vjeç. Ky i fundit akuzohet për moskallëzim krimi.
31-vjeçari Zota, drejtues i mjetit, ishte i armatosur me pistoletë me krehër dhe municion luftarak.
Ai ishte në kërkim pasi ka masë sigurie “arrest në burg” nga Gjykata e Lushnjes për vjedhje me dhunë të kryer në bashkëpunim.
Materialet i kaluan Prokurorisë, për veprime të mëtejshme procedurale.