Është gjetur i pajetë 27 vjeçari Ajet Lleshi, i cili rezultonte i zhdukur qe prej dutës së djeshme në malin e Pashtrikut. I riu kishte dalë për të prerë dru në pyll, por e zuri bora. Trupi i 27 vjeçarit u gjet i ngrirë sot.
27 vjeçari kaloi natën në mal, ku rreth mesnatës telefonoi për ndihmë familjarët, por për shkak të terrenit të vështirë dhe motit të keq me borë, familjarët nuk e gjetën dot.
Përveç Emergjencave Civile, babai dhe xhaxhallarët e 27 vjeçarit u ndanë në disa drejtime për ta gjetur.
Teksa kërkonte në mal, babai i të riut, Riza Lleshi humbi gjurmët, por ai u gjet më vonë. Aktualisht ndodhet në gjendje të rënduar fizike dhe psikologjike.