Deputetja e Partisë Socialiste dhe njëherazi nënkryetarja e Kuvendit Ermonela Felaj u është përgjigjur akuzave të demokratit Gazment Bardhi, të bëra më herët gjatë ditës.
Bardhi, në Komisionin e Ligjeve ku Këshilli i Lartë i Prokurorisë bëri raportimin vjetor të 2023, tha se i vetmi prokuror që nuk ka kaluar në vetting por është në detyrë, është bashkëshorti i Ermonela Felajt, Bledar Valnikaj.
Në reagimin e saj, Felaj nuk ka kursyer etiketimet për kreun e grupit parlamentar të PD. Feliaj shprehet se ka qenë Bardhi ai që në vitin 2018 ka propozuar drafin për ndryshimet në ligjin e statusin e magjistratit, përfshirë dhe papajtueshmërinë ambientale.
“Por gjuha jote e mbrapshtë lëpin gjithcka që i serviret ose e sheh si ushqim për inferioritetin e vet, ndaj të gjithë atyre që rrugën e jetës dhe të karrierës e kanë ndërtuar vetë, me mund e sakrifica, duke e filluar nga *gaveta sic thotë një shprehje, pa iu servilosur, pa i ndenjur pas xhaketës dikujt dhe natyrisht jo si specialisti/çingija që partia e bëri ministër me gjithsej 3 muaj punë në jetë të vet”- thuhet në reagimin e Felajt.
Reagimi:
Goja të cilës duhet t’i vihet protezë si një masë me dobi për higjenën e veshit, ështe ajo e atij për të cilin kolegët e vet thonë se nuk e ka problem as kur betohet për shpirt të të atit ..
. #Gaz B..meqë paske pyetur sot per familjen time
I keni marrë përgjigjet ti dhe cdo gojë që eshtë shqyer m’u si ti në shpifje ; por meqë vijon të thuash në publik se u ndryshua ligji për statusin e magjistratit për interesa te mi, duhet që publiku ta dijë se ti ishe eksperti i vetëm i grupit tënd në shkurt të vitit 2018 , ai që propozove draftin me parashikimet e reja që janë sot në fuqi dhe në vend të atyre dispozitave që shfuqizoi Gjykata Kushtetuese në ligjin për statusin e magjistratit, përfshirë dhe papajtueshmërinë ambientale . E solle ti, e propozove ti dhe e diskutoi dhe mbështeti në vijim komisioni i ligjeve, në të cilin as nuk bëja pjesë në legjislaturën e kaluar , sikunder më herët kur u zgjodhën trupat e vetingut dhe u konstituan KLP e KLGj s kam pasur as mandat deputeteje qe të votoja kënd sipas mendjes tënde të vogël!
Sigurisht ti bëre detyrat që të dha partia jote dhe jo interesat e mia afërmendsh! Por gjuha jote e mbrapshtë lëpin gjithcka që i serviret ose e sheh si ushqim për inferioritetin e vet, ndaj të gjithë atyre që rrugën e jetës dhe të karrierës e kanë ndërtuar vetë, me mund e sakrifica, duke e filluar nga *gaveta sic thotë një shprehje, pa iu servilosur, pa i ndenjur pas xhaketës dikujt dhe natyrisht jo si specialisti/çingija që partia e bëri ministër me gjithsej 3 muaj punë në jetë të vet