4 ditë nga Asambleja e PS, reagon Majko: Fola për kontaktet e papërshtatshme me krimin e organizuar

Deputeti socialist Pandeli Majko ka reaguar pas lajmeve të publikuara lidhur me deklaratat që ai kishte bërë ditën e shtunë në Asamblenë e PS.

Përmes një statusi në Facebook, Majko mohon të ketë folur për video erotike siç është përfolur këto ditë në media, por për “kontaktet e papërshtatshme dhe diskretituese me krimin e organizuar”, duke kërkuar largimin e tyre nga politika.

Majko thotë se ka përmendur vetëm një informacion publik mbi video të sekuestruara nga SPAK, pa bërë asnjë referencë për video erotike apo seksuale.

Reagimi i plotë Majkos

NDJESE E DETYRUAR”…

Po ndjek me humor “daullet” e mediave sipas të cilave në mbledhjen e fundit të asamblesë së PSSH jam “shqetësuar” për erotizmin dhe ndershmërinë e kolegëve të mij socialistë!

Në fakt, në fjalën time në asamblenë kombëtare kam folur për kontaktet e papershtatshme dhe diskretituese me krimin e organizuar! në mbledhje kërkova që këta njerëz duhet të largohen nga politika! në fjalën time përmenda veç një informacion publik për video të sekuestruara nga spak! asnjë fjalë për “erotizmin” apo “videot e seksit”! i vetmi gazetar që më pyeti për të konfirmuar deklarimet e mija ishte muhamed veliu! fevziut i pëlqeu më shumë “varianti me seks!”

ky është ai momenti kur kupton se në vendin tonë për një person publik janë më të rënda “videot erotike” se sa kontaktet e papershtatshme dhe diskretituese me krimn e organizuar!!! ndjesë për zhgënjimin!