Vijon me debate mbledhja e Komisionit Hetimor të TIMS ku do të dëshmojë drejtori i Policisë së Shtetit Muhamet Rrumbullaku.
Ky i fundit ka kërkuar që mbledhja të zhvillohet me dyer të mbyllura pasi dëshmia e tij përbën sekret hetimor.
Rrumbullaku tha se nëse mbledhja bëhet e hapur do të flasë vetëm për ato që nuk janë sekret.
‘Nuk dua te kem mbrojtës ligjor, do dëshmoj vetëm. Kërkesa jonë mbështetet në ligjin për komisionet hetimore dhe i qëndroj që dëshmia ime, përben sekret, për arsye qe do i shpjegoj pas vendimit te këtij komisioni.
Ju kemi vene ne dispozicion materiale te paklasifikuara, por unë jam me shumë dokumente me vete, ligji për informacionin e klasifikuar, përcakton 4 nivelet e informacionit hetimor
Në të tre nivelet e tjera kërkohet pajisja me certifikatë respektive. Jam i hapur të jap shpjegime mbi sistemin TIMS se çfarë përfshin. Flitet parimisht sistemi TIMS. Unë nuk mund ta shkel në asnjë rast tagrin se çfarë përfshin dhe për çfarë shërben.’- tha Rrumbullaku.
Pas kërkesës së Rrumbullakut, u vendos që mbledhja të mbahet pa praninë e medias.