PS dhe PD bëhen bashkë, kërkojnë shkarkimin e Këshillit Drejtues të RTSH-së

Komisioni i Medias ka kërkuar shkarkimin e Këshillit Drejtues të RTSH-së, pas shkeljeve që u konstatuan në garën për drejtorin e ri.

Në seancën e kaluar, anëtarët e Këshillit Drejtues pranuan parregullsitë që ishin bërë në garë ku me votë kualifikuan për në fazën tjetër, Jetmir Shpuzën dhe Aurora Polon dhe duke skualifikuar kandidatët e tjerë pa diskutuar nëse plotësojnë kriteret apo jo.

Lexo edhe: https://ditar.al/leka-bungo-i-thote-te-gjitha-ne-rtsh-mungon-transparenca-enkelejd-joti-te-ktheje-375-milion-leke-aurora-polo-nuk-ploteson-kriteret-per-drejtoreshe/

Po ashtu në mbledhjen u lejua që anëtari i Këshillit Drejtues, Mevlan Shanaj që gjendej në Vietnam të votonte, në një kohë që votimi duhet të ishte i fshehtë.

Ndërkohë sot Partia Demokratike ka rënë në dakordësi më Partinë Socialiste që Këshilli Drejtues i institucionit të shkarkohet i gjithi duke nisur procedurat. Propozimi i Komisionit të Medias do t’i dërgohet kryetares së Kuvendit, Elisa Spiropali, e cila do ta dërgojë në seancë plenare për miratim.

Sipas tyre anëtarët e Këshillit Drejtues të RTSH kanë konflikt interesi dhe ndër vite nuk kanë zbatuar rekomandimet e Kuvendit.

Kujtojmë se pak ditë më parë Gëzim Podgorica dhe Genc Përmeti dhanë dorëheqjen nga Këshilli Drejtues i RTSH-së.

Lexo edhe: https://ditar.al/politika-kushtezon-rtsh-ne-keshilli-drejtues-pezullon-skualifikimin-e-kandidateve-per-drejtor-pas-kerkeses-se-ps-e-pd/