Altin Ndoci, i cili u arratis dje nga spitali i Durrësit, pasi ishte dërguar për disa kontrolle mjekësore dyshohet se fshihet në Tiranë.
Mësohet se forcat e policisë kanë kryer kontrolle në disa zona të ndryshme të Tiranës, në Astir, Don Bosko, Selitë, për të bërë të mundur kapjen e tij.
Si rrugë lidhëse me Durrësin, uniformat blu kanë kryer gjithashtu kontrolle në rrugën e Ndroqit, ndërsa kërkimet për lokalizimin e Ndocit vazhdojnë intensivisht.
Gjithashtu është kontrolluar edhe banesa e tij në Yzberisht, por familjarët kanë deklaruar se nuk kanë dijeni për vendndodhjen.
Më herët u mësua se 8 persona u arrestuan në lidhje me arratisjen e Ndocit, mes tyre kryeinfermieri Aulon Çuko, Zëvendës shefi i policisë së burgjeve, Desdemon Pazaj, si dhe efektivët që e shoqëronin.
Ndërkohë një ditë më parë u pezullua i gjithë zinxhiri komandues i burgut të Durrësit.