Policia e Shtetit ka dhënë detaje në lidhje me kërkimet që janë duke u zhvilluar, për kapjen e 42-vjeçarit Klered Bozhanaj, i cili plagosi me armë efektivin e forcave “Shqiponja”.
Uniformat blu njoftojnë se janë duke u zhvilluar kontrolle në Tiranë, Elbasan, Durrës dhe Vlorë, megjithatë ende nuk ka asnjë shenjë të tij. Policia i bën thirrje qytetarëve të telefonojnë nëse kanë ndonjë informacion, teksa rikujtojnë dhe shpërblimin prej 20 000 eurosh të vënë në dispozicion.
Shërbimet e Policisë kanë kontrolluar dhjetëra banesa në qytetet Tiranë, Elbasan, Durrës dhe Vlorë dhe do të vijojnë kontrollet intesive, deri në kapjen e tij.
Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi.