Gjykata e Posaçme Kundër Korrupsionit dhe Krimit të Organizuar (GJKKO) ka caktuar masë e sigurisë “arrest në burg” për Edison Muçekun.
Ai u ekstradua në Shqipëri nga Britania e Madhe pak ditë më parë akuzohet për veprën penale “Sigurimi i kushteve për të kryer vrasje”, një akuzë që është pjesë e një hetimi nga SPAK.
Edison Muçeku ishte shpallur në kërkim nga SPAK në kuadër të operacionit të koduar “Revanshi”, që u zhvillua në maj 2024.
Muçeku ka mohuar akuzën ndaj tij, duke insistuar se nuk ka pasur asnjë lidhje me veprën penale për të cilën akuzohet.
Avokati i tij ka kundërshtuar provat që janë përdorur kundër klientit të tij, duke theksuar se ato janë të paligjshme, veçanërisht ato që lidhen me përdorimin e teknologjisë Sky ECC.
Muçeku, i cili ishte një nga emrat më të kërkuar nga autoritetet shqiptare, tashmë do të qëndrojë në burg deri në zhvillimin e procesit të mëtejshëm gjyqësor.
Muceku dyshohet si ‘ushtar’ i celulës që drejtonte Viktor Xhecuka (Tori), të dy të akuzuar për tentativën e vrasjes së Hamza Terziut në Bulqizë, më 21 Maj 2020.
Xheçuka dyshohet nga SPAK për vrasje me pagesë, si pjesë e organizatës së, Ervis Martinaj, i cili rezulton i zhdukur nga vera e vitit 2022.
Po ashtu nga përgjimet e SKY ECC është zbuluar se është porositur për tentativën e vrasjes së Durim Bamit më 4 nëntor 2020.