Të shtëna me armë zjarri janë regjistruar këtë të premte në një lokal në Tiranë.
Sipas informacioneve paraprake mësohet se i plagosur ka mbetur 45 vjeçari Ilirjan Dosti. Ky i fundit ka marrë një plagë me plumb në pjesën e barkut dhe është dërguar menjëherë në spital, ku ndodhet jashtë rrezikut për jetën.
Sai takon autorit, ai nuk është identifikuar ende nga blutë e Tiranës, por dyshohet se është komshi me 45 vjeçarin dhe në momentin e ngjarjes ka qenë në gjendje të dehur.
Ndërkohë po punohet për sqarimin e plotë të rrethanave të ngjarjes.
“Tiranë/Informacion paraprak. Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.
Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit”, njofton policia.