Një grua në Durrës ka denoncuar ish vjehërrit e saj pasi I kanë rrëmbyer djalin, pra nipin e tyre.
3 vjeçari ishte marrë nga gjyshërit për të qëndruar disa orë por ata nuk ia kanë kthyer më nënës.
Policia ka arrestuar 58 vjeçarin Rexhep Gjuni, i cili nuk pranon të tregojë ku është i mituri.
Mësohet se ngjarja ka ndodhur para katër ditësh.
Babai i fëmijës ka ndërruar jetë një vit më parë pas një aksidenti automobilistik dhe fëmija jetonte me nënën.
Nga policia thuhet se prej katër ditësh po punojnë për gjetjen e të miturit, për të cilin ende nuk kanë asnjë informacion.
Nëna e fëmijës thotë se është e shqetësuar për të voglin e saj.
“Jam e shqetësuar. Nuk e di ku ndodhet fëmija im. Nuk e di nëse është mire. Kërkoj nga policia të bëjë të mundur gjetjen e tij. Nuk e di pse ndodhi kjo pasi nuk e kam penguar kurrë fëmijën të shkonte te gjyshërit e tij”, ka deklaruar nëna e djalit 3-vjecar.