Agjencia e Mbikëqyrjes Policore (AMP), ka pezulluar nga detyra 3 efektivë dhe një oficer Policie.
Nga hetimet ka rezultuar se gjatë ushtrimit të detyrës, këta punonjës policie, me veprime dhe mosveprime në shkelje të ligjit, kanë penalizuar ose favorizuar drejtues mjetesh, të konstatuar në shkelje apo jo të Kodit Rrugor.
Të pezulluarit janë:
Inspektor Artan Selami, trupë shërbimi në Seksionin për Trafikun Urban dhe Interurban, DVP Berat
Inspektor Myftar Dauti, trupë shërbimi në Seksionin për Trafikun Urban dhe Interurban, DVP Berat
Inspektor Adem Qevani, trupë shërbimi në Seksionin për Trafikun Urban dhe Interurban, DVP Berat
Inspektor Karafil Guçe, oficer i Patrullës së Përgjithshme në Komisariatin e Policisë Berat
NJOFTIMI I AMP
Agjencia e Mbikëqyrjes Policore (Rajoni Fier-Berat) ka ekzekutuar Vendimin e Gjykatës së Shkallës së Parë të Juridiksionit të Përgjithshëm Berat, e cila ka caktuar masat e sigurimit personal me karakter ndalues “Pezullim i ushtrimit të një detyre a shërbimi publik” parashikuar në nenin 242 të Kodit të Pr. Penale ndaj katër punonjësve të policisë të dyshuar për kryerjen e veprës penale “Shpërdorim i detyrës” parashikuar në nenin 248 të Kodit Penal.
Inspektor Artan Selami, me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor Myftar Dauti, me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor Adem Qevani, me detyrë Trupë shërbimi në Seksionin për Trafikun Urban dhe Interurban, pranë DVP Berat
Inspektor Karafil Guçe, me detyrë Oficer i Patrullës së Përgjithshme në Komisariatin e Policisë Berat.
Caktimi i masave të sigurisë u bë i mundur pas veprimeve hetimore proaktive të kryera nga AMP në bashkëpunim me Prokurorinë e Juridiskionit të Përgjithshëm Berat, nga ku ka rezultuar se këta punonjës policie gjatë ushtrimit të detyrave funksionale, me veprime dhe mosveprime në shkelje të ligjit kanë penalizuar / favorizuar drejtues të mjeteve të konstatuar në shkelje ose jo të Kodit Rrugor.
AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën [email protected].