Deputeti ukrainas Oleksiy Goncharenko ka kritikuar deklaratën e presidentit Volodymyr Zelensky në Beograd, ku kreu i shtetit ukrainas rikonfirmoi se Ukraina nuk do të ndryshojë qëndrimin e saj për Kosovën.
Goncharenko, i cili ka iniciuar në Parlamentin ukrainas projektligjin për njohjen e pavarësisë së Kosovës, e ka cilësuar deklaratën e Zelenskyt si një “gabim diplomatik”.
Goncharenko thekson se mbështetja për pavarësinë e Kosovës ekziston te ukrainasit dhe shprehet se do të vijojë përpjekjet për njohjen e saj nga Ukraina.
“Ky është një gabim diplomatik. Ukrainasit mbështesin pavarësinë e Kosovës dhe ne besojmë se Ukraina duhet ta njohë shtetin. Unë do të vazhdoj të luftoj për pavarësinë e Kosovës dhe, përfundimisht, Ukraina do ta njohë atë”, shkroi Goncharenko.
This is a diplomatic blunder.
— Oleksiy Goncharenko (@GoncharenkoUa) August 9, 2026
The Ukrainians support the independence of Kosovo and we believe that Ukraine MUST recognise the state.
I'll continue fighting for the independence of Kosovo and eventually Ukraine will recognise it. pic.twitter.com/hkGtO5WzVl