Policia e Tiranës ka hartuar një plan masash për garantimin e rendit dhe sigurisë publike gjatë aktiviteteve që do të zhvillohen pasditen dhe mbrëmjen e sotme në kryeqytet, me rastin e 35-vjetorit të Partisë Socialiste dhe protestës së paralajmëruar të qytetarëve në Bulevardin “Dëshmorët e Kombit”.
Sipas njoftimit zyrtar, aktiviteti festiv i Partisë Socialiste do të mbahet në sheshin “Italia”, ndërsa tubimi i qytetarëve do të zhvillohet në Bulevardin “Dëshmorët e Kombit”.
Për këtë arsye, nga ora 16:00 deri në përfundim të aktiviteteve, do të ketë bllokime dhe kufizime të qarkullimit në disa akse kryesore të kryeqytetit.
Policia bën me dije se nuk do të lejohet qarkullimi i automjeteve në rrugët:
- “Papa Gjon Pali II”;
- “Dervish Hima”;
- “Faik Konica”;
- “Lek Dukagjini”;
- “Gjergj Filipi”;
- “Hasim Zeneli”;
- “Themistokli Gërmenji”;
- “Ibrahim Rugova”, nga kryqëzimi me rrugën “Libri Universitar” deri te sheshi “Shopen”.
Gjithashtu, do të bllokohet qarkullimi i automjeteve në Bulevardin “Dëshmorët e Kombit”, deri te sheshi “Nënë Tereza”.