Aktori i njohur shqiptar, Robert Ndrenika ka qenë sot në mbështetje të kryetarit të Bashkisë Tiranë, Erion Veliaj në gjyqin e këtij te fundit me prokurorin e SPAK, Ols Dado.
Pasi Gjykata Administrative vendosi shtyrjen e seancës, jashtë dyerve të gjykatës, aktori u ndal në një komunikim për mediat.
Ai e cilësoi Veliaj si një fëmijë të rritur me halle ndërsa shtoi se nuk i ka kuptuar akuzat që Prokuroria e Posaçme ka ngritur ndaj kreut të Bashkisë Tiranë.
Madje shkoi më tej duke thënë se po të ishte nevoja do bënte burgun në vend të Veliajt.
“Djalë jetim, i rritur me halle probleme, që në fillore ka qenë filozof fëmijë. Ka ndihmuar shumë teatrin dhe artisët. Mirë mu duk. Jo them që jo. Po të jetë nevoja e bëj. E përballoj (burgun). Unë si kam kuptuar (akuzat)”, tha Ndrenika.
Kujtojmë se në mbështetje të Veliajt shkuan edhe Gazmend Paja, Ardit Çuni e Arjola Demiraj.
Erion Veliaj kërkon në Gjykatën Administrative shpalljen të pavlefshëm dekretin e presidentit që ka emëruar prokurorin Ols Dado.