Sekretariati i Etikës i mbledhur ditën e sotme ka marrë vendimin mbi kërkesën e PS-së për përjashtimin e 29 deputetëve të Partisë Demokratike, pas kaosit në seancën e kaluar plenare.
Në vendimin e fundit, Sekretariati i Etikës i kryesuar nga Ulsi Manja vendosi të falë 23 deputetë, duke vendosur masë disiplinore “përjashtim 30 ditë” vetëm për 6 prej tyre.
Të përjashtuarit për sjellje jo etike janë:
1-Belind Këlliçi
2-Fidel Kreka
3-Albana Vokshi
4-Klevis Balliu
5-Flamur Noka
6-Elda Hoti
Mbledhja u shoqërua me shumë tensione, teksa nuk u kursyen edhe ironitë nga ana e opozitës.