Detaje të reja janë mësuar nga vrasja e 56 vjecarit Anesti Rama në fshatin Frashëri të Fierit ndërsa, gruaja, vajza e tij dhe shoku i kësaj të fundit janë arrestuar për ngjarjen tronditëse.
Sipas hetimeve dyshohet se Ermalinda Rama masakroi të atin mbrëmjen e 23 korrikut në bashkëpunim me 55-vjeçarin Çlirim Dogani.
Grupi hetimor ka dyshime të forta se 26 vjecarja ka qenë në një lidhje intime me 55-vjecarin, i cili është i martuar dhe me fëmijë në moshë madhore.
Kjo lidhje duket se ka qenë “mollë sherri” mes vajzës dhe babait. 26 vjecarja e shihte të atin si pengesë për lidhjen dhe dyshohet se kjo ka qenë arsyeja që i mori jetën.
Ndërkohë Çlirim Dogani ka mohuar të gjitha akuzat dhe pretendon se ndodhej në fshatin e tij, shumë larg vendit të ngjarjes kur ndodhi krimi.
Më herët, mësohet se 26-vjeçarja ka qenë e fejuar 3 herë, por është ndarë, pasi babai i saj nuk ka qenë dakord.
Njoftimi i policise:
Punë e pandërprerë hetimore për zbardhjen e plotë të rrethanave të ngjarjes së ndodhur në fshatin Frashër, ku Emanilda Rama vrau për motive të dobëta, babanë e saj.
Në vijim të hetimeve të kryera me qëllim dokumentimin e plotë të rrethanave të ngjarjes, specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë ndalimin e shtetasit Çlirim Dogani, 55 vjeç, banues në fshatin Arapaj, Roskovec.
Nga kryerja e hetimeve dyshohet se ky shtetas ka bashkëpunuar me Emanilda Rama, në vrasjen e babait të saj nëpërmjet mbytjes me tel, si edhe duke përdorur sende të forta dhe mjete prerëse.
Materialet procedurale iu referuan Prokurorisë së Fierit, për veprime të mëtejshme.