Gjatë kontrollit të policisë në disa banesa në kuadër të hetimeve për zjarrin në fushën e mbetjeve, efektivët kanë gjetur një sasi municioni pa leje.
Burime për mediat bëjnë me dije se municioni u gjet në shtëpinë e Denis Hasallëa, vëllait të deputetit socialist Saimir Hasalla.
Atij iu gjetën në banesë 30 fishekë dhe është shoqëruar drejt komisariatit për të dhënë dëshminë e tij. Ai mban detyrën e drejtorit të Kabinetit në Bashkinë Peqin.
Njoftimi i Policisë:
Strukturat për Hetimin e Krimeve të Drejtorisë Vendore të Policisë Elbasan ekzekutuan vendimin e Gjykatës së Shkallës së Parë të Juridiksionit të Përgjithshëm Elbasan, për lejimin e kontrollit në disa banesa, në kuadër të një procedimi penal të vitit 2024.
Në vijim të veprimeve u bë arrestimi i shtetasve:
-B. Ç., 36 vjeç, pasi gjatë kontrollit në banesën e tij u gjet një armë e ftohtë;
-D. H., 35 vjeç, pasi gjatë kontrollit në banesën e tij u gjet një sasi municioni luftarak.
Materialet procedurale do t’i kalojnë Prokurorisë, për veprime të mëtejshme.