Një zyrtar i Policisë së Kosovës ka humbur jetën këtë të premte në Prishtinë. Lajmin e ka konfirmuar zëdhënësi i Policisë për rajonin e Prishtinës.
Mesa njoftohet, ngjarja ka ndodhur rreth orës 14:45 në rrugën “Ahmet Korenica” në kryeqytetin e Kosovës.
Pasi kanë mbërritur në vendin e ngjarjes, mjekët e emergjencës kanë konstatuar vdekjen e 47-vjeçarit me iniciale A.T.
“Rreth orës 14:45, kemi pranuar informatën për një trup të pa jetë, në rrugën “Ahmet Korenica” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, 47 vjeç, zyrtar policor”, njoftoi policia.
Deri më tani, dyshohet se vdekja është rezultat i vetëvrasjes, por hetimet janë ende në vazhdim për të zbardhur rrethanat dhe arsyet e plota të ngjarjes.