Ish-deputetja e Partisë Demokratike Ledina Alolli është paraqitur sot në Prokurorinë e Posaçme.
Alolli ka qëndruar rreth një orë në SPAK ndërsa pasi ka dalë ka thënë se u paraqit për diçka personale. Ajo u tregua e rezervuar me gazetarët për arsyet e thirrjes në SPAK.
Alolli ka qenë deputetete për qarkun e Korçës përgjatë viteve 2009-2013.
Në të njëjtën kohë ka qenë pjesë e disa komisioneve parlamentare si Anëtare e Komisionit të Ekonomisë dhe Financave, Anëtare e Sekretariatit për Kërkim Shkencor, Bibliotekën dhe Botime, Anëtare zëvendësuese e Komisionit Parlamentar të Edukimit dhe Medias.