Nuk ka rëndësi nëse ligji nuk është në favor të qytetarëve, nëse e thotë Rama, ashtu do të bëhet.
Kjo duket të jetë motoja e Presidentit Bajram Begaj, që vijon të konsolidojë pozicionin e tij si noter i qeverisë, duke dekretuar një tjetër ligj shumë të debatuar, atë të ndarjes së re territoriale.
Nga sot, në Shqipëri do të votohet për 46 bashki, nga 61 që ishin në zgjedhjet e kaluara vendore, pas vendimit të qeverisë.
Ky ligj që u kundërshtua nga opozita dhe qytetarët u dekretua menjëherë nga Begaj, pasi pak ditë më parë dekretoi edhe datën e zgjedhjeve të ardhshme lokale, që do të mbahen në 9 Maj të vitit 2027.
Bashkitë që shkrihen:
- Fushë-Arrëzi i bashkohet Pukës.
- Klosi i bashkohet Matit.
- Rrogozhina i bashkohet Kavajës.
- Dimali i bashkohet Beratit.
- Poliçani i bashkohet Beratit.
- Patosi i bashkohet Fierit.
- Divjaka i bashkohet Lushnjës.
- Selenica i bashkohet Vlorës.
- Maliqi i bashkohet Korçës.
- Këlcyra i bashkohet Përmetit.
- Memaliaj i bashkohet Tepelenës.
- Libohova i bashkohet Gjirokastrës.
- Cërriku i bashkohet Elbasanit.
- Belshi i bashkohet Elbasanit.
- Përrenjasi i bashkohet Librazhdit.