Teksa numërimi i votave po vijon prej orësh, rezultatet për Partinë Demokratike janë zhgënjyese ku kryeson vetëm në dy qarqe, Shkodër dhe Kukës. Kjo humbje e PD rrezikon edhe listën e mbyllur të saj në dy qarqet e vendit, përkatësisht në Elbasan dhe Fier.
Sipas të dhënave të KQZ-së, deri tani në këto dy qarqe, demokratët nuk arrijnë as mandatet e listës së mbyllur.
Në Elbasan në listën e mbyllur janë 5 mandate dhe i pesti është Aurel Bylykbashi, ndërkohë që me shifrat e deritanishme PD-ja ka katër mandate.
E njëjta situatë është edhe në Fier, ky në listën e mbyllur janë 5 mandate dhe PD-ja deri tani ka katër mandate. Ai që rrezikon është Eduard Sharka, i cili ndodhet i pesti në listën e mbyllur.
Sipas rezultateve të marra nga numërimi i votave deri në këto momente mandatet për partitë ndahen kështu:
Nëse ky trend do të vijojë, Bylykbashi dhe Sharka do të mbeten jashtë Parlamentit.
Partia Socialiste – 83 mandate
PD-ASHM – 51 mandate
Partia Socialdemokrate – 3 mandate
Lëvizja Bashkë – 1 mandat
Nisma Shqipëria Bëhet – 1 mandat
Partia Mundësia – 1 mandat