Një krim i rëndë ka ndodhur në Messina të Italisë ku një studente është vrarë me thikë mbrëmjen e së hënës. Ndërkohë i dyshuar për vrasjen është Stefano Argentino, 27 vjeç nga Noto dhe është koleg universiteti i viktimës.
Ai u gjurmua, me mbështetjen e Karabinierëve të Komandës Provinciale të Sirakuzës, në një shtëpi në qytetin e tij.
Krimi ka ndodhur në Viale Gazzi, përballë hyrjes së stadiumit “Celeste”. Sara Campanella u godit me thikë në fyt nga autori, i cili më pas u arratis. Një shoqe e 22-vjeçares, e cila ndiqte vitin e tretë të Fakultetit të Teknikave të Laboratorit Biomjekësor, tha për Repubblica se menjëherë pas daljes nga mësimi i pasdites, Sara i kishte dërguar një postë zanore ku i thoshte “Jam e sigurt që po më ndjek”.
“Ai e ndiqte dhe Sara kishte frikë – thotë një kolege e infermieres së re – menjëherë pasi doli nga spitali për mësimin e pasdites. Dhe ajo i kishte dërguar një postë zanore një shoqeje për t’i treguar dyshimin e saj të rëndë për ta ndjekur”.