Qyteti i Vlorës nuk do të ketë me Drejtorinë Vendore të Agjencisë Shtetërore të Kadastrës, pasi do të zhvendoset drejt Tiranës.
Me një vendim të datës 23 janar 2026, është vendosur zhvendosja e strukturave të ASHK-së Vlorë drejt kryeqytetit.
Vendimi i firmosur nga drejtori i përgjithshëm i Kadastrës, Lorena Goxhobelli, do të hyjë ne fuqi në datë 1 shkurt.
Ky hap shënon largimin e një tjetër institucioni të rëndësishëm nga Vlora, atë të menaxhimit të pronave, i cili tashmë do të administrohet nga kryeqyteti.
Në mbështetje të germës d), të nenit 28 te Ligjit nr. 9000, date 30.01.2003 “Per organizimin dhe funksionimin e Këshillit të Ministrave, nenit 9, pika 2, germa c) te ligjit nr. 111/2018 “Për Kadastrën”, Ligjit nr. 9154, date 06.11.2003, “Për arkivat” dhe “Normat tekniko-profesionale dhe metodologjike tê sherbimit arkivor në Republikën e Shqipërisë”, Udhëzimin Nr.30, datë 27.12.2011 “Për menaxhimin e aktiveve në njësite e sektorit publik”, i ndryshuar dhe në vijim te Urdhrit Nr.1, date 03.01.2024 te Drejtorit te Përgjithshëm të Agjencisë Shtetërore te Kadastrës, me qellim përmirësimin e organizimit te punës, rritjen e eficiencës së strukturave te Agjencisë Shtetërore te Kadastrës dhe ofrimin e një shërbimi sa më cilesër,
URDHËROJ:
1. Zhvendosjen e strukturave të mbetura, të Drejtorisë Vendore të Agjencisë Shtetërore të Kadastrës Vlorë, që ushtrojnë veprimtarinë në qytetin e Vlorës, në ambientet e godinës së ASHK me adresë rruga “Jordan Misja”, Tiranë.
2. Zhvendosja e ambienteve te punës sipas pikës 1 te këtij urdhri te përfundojë brenda datës
31.01.2026.
3. Ngarkohen Drejtoria Vendore e ASHK Vlore, si dhe Drejtoria e Vlerësimit të Riskut dhe Sistemeve dhe Drejtoria e Investimeve dhe Sherbimeve, në Drejtorine e Pergjithshme, per zbatimin e këtij urdhri”, thuhet në vendimin e firmosur nga drejtori i përgjithshëm drejtori i përgjithshëm i Kadastrës, Lorena Goxhobelli