Vendimi i Gjykatës së Posaçme të Apelit për të mos i kthyer materialet e sekuestruara nga SPAK gazetarit Elton Qyno, ka sjellë reagime të shumta nga organizatat ndërkombëtare që mbrojnë të drejtat e medias dhe gazetarëve.
Rrjeti Global për Mediat e Pavarura në një reagim të fundit, thotë se është i alarmuar nga ky vendim, pasi nuk po respektohen standardet ndërkombëtare për mbrojtjen e burimeve gazetareske
“IPI është alarmuar nga vendimi i gjykatës së apelit për lënien në fuqi të urdhrit të mëparshëm të një gjyqtari për kontrollin e banesës dhe pajisjeve elektronike të gazetarit Elton Qyno. Duhet të respektohen standardet ndërkombëtare për mbrojtjen e burimeve gazetareske”, thuhet në reagim.
Gjykata e Apelit vendosi që të mos i kthejë materialet e sekuestruara, pavarësisht se prokurori deklaroi se nuk i interesojnë ato, por vetëm burimi i informacionit. Ky vendim absurd do të ankimohet në Gjykatën e Lartë, siç ka njoftuar edhe avokati i gazetarit Elton Qyno.
🇦🇱#Albania: IPI is alarmed by court of appeals' decision to uphold a judge's previous order to search the apartment & electronic devices of journalist Elton Qyno. International standards on journalistic source protection must be respected. @MediaFreedomEUhttps://t.co/zpcW73mfeg pic.twitter.com/sUELgPIXNA
— IPI – The Global Network for Independent Media (@globalfreemedia) January 8, 2024