Një 28-vjeçar përfundoi në prangat e policisë së Durrësit pasi u kap në flagrancë në tentativë për të vjedhur një automjet.
Policia sqaroi se operacioni i koduar “Tentativa” përfundoi me arrestimin e shtetasit, Hasan Zylfa.
Një çelës fiktiv të cilin i arrestuari e përdorte për të vjedhur automjete është sekuestruar si provë materiale.
Njoftimi i policisë:
Durrës/Finalizohet operacioni policor i koduar “Tentativa”, për të parandaluar një rast vjedhjeje.
U kap në flagrancë, gjatë tentativës për të vjedhur një automjet, arrestohet 28-vjeçari.
Ky shtetas, i dënuar më parë për të njëjtin krim.
Si rezultat i reagimit të menjëhershëm të specialistëve për Hetimin e Krimeve të Policisë Plazh, pas njoftimit se në lagjen nr. 13, po tentohej të vidhej një automjet, është finalizuar operacioni policor i koduar “Tentativa”.
Gjatë operacionit u bë e mundur kapja në flagrancë dhe arrestimi i autorit të këtij rasti, shtetasit H. Z., 28 vjeç, banues në fshatin Rrashbull.
Gjithashtu, në cilësinë e provës materiale u sekuestrua një çelës fiktiv, me të cilin 28-vjeçari tentonte të kryente vjedhjen.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.