Partia Demokratike i është drejtuar me një shkresë Prokurorisë së Posaçme në lidhje me ngritjen e taks forcës për hetimin e krimeve zgjedhore.
PD kërkon informacion se sa hetime ka nisur SPAK për krime zgjedhore nga janari i vitit 2025, kur u ngrit kjo task forcë dhe deri tani. Po ashtu, sa prej këtyre hetimeve janë me iniciativën e SPAK dhe sa kanë ardhur si rrjedhojë e denoncimeve apo kallëzimeve nga qytetarë të ndryshëm. Kërkesa është bërë nga Franc Nuri, drejtues i Departamentit të Drejtësisë në PD ndërsa vjen pak ditë pas nisjes së fushatës elektorale për zgjedhjet e 11 Majit.
Letra e zbardhur:
Kërkesë për informacion
Nga:
Z. Franci NURI, Drejtues i Departamentit të Drejtesisë në Partinë Demokratike. Me adresë komunikimi: Partia Demokratike, Bulevardi “Zhan d’Ark”, nr. 11, Tiranë dhe E-mail: [email protected]
Baza ligjore:
Ligji Nr. 119/2014 “Për të drejtën e informimit”, i ndryshuar; Ligji Nr. 8580, datë 17.02.2000 “Për Partitë Politike”, i ndryshuar.
Drejtuar:
STRUKTURA E POSAÇME KORRUPSIONIT DHE KUNDËR KRIMIT TË ORGANIZUAR (SPAK)
Z. Dumani,
Në janar të vitit 2025 SPAK ka ngritur një task forcë të dedikuar për hetimin e krimit zgjedhor. Gjithashtu, kemi marrë dijeni se SPAK ka lidhur marrëveshje bashkëpunimi me KQZ për hetimin e krimeve zgjedhore. Sot që kanë kaluar dy muaj nga krijimi i saj si dhe pak ditë para nisjes së fushatës zyrtare zgjedhore, kërkojmë informacion për sa më poshtë vijon:
Sa hetime ka nisur SPAK për krime zgjedhore nga janari i vitit 2025 deri në ditën e përgjigjes tuaj?
Sa nga këto hetime i keni nisur me iniciativën tuaj (kryesisht) dhe sa kanë ardhur si rrjedhoje e denoncimeve/ kallëzimeve?
Duke ju falenderuar,
DREJTUESI I DEPARTAMENTIT TË DREJTËSISË NË PARTINË DEMOKRATIKE
Franci NURI