Pas ankesës së Partisë Demokratike në KQZ, Lulzim Basha ka hequr logon e PD-së nga selia e tij, duke e zëvendësuar me logon e re të Koalicionit Euroatlantik.
“Jemi vënë në dijeni për keqpërdorimin e simboleve dhe logove të partisë tonë dhe Koalicionit Aleanca për Shqipërinë Madhështore. Kemi marrë raportime nga mbështetësit tanë se veçanërisht në Njësinë nr. 5 në Tiranë, në rrugën “Nikolla Tupe”, ka logo dhe simbole të partisë tonë te zyra e vjetër”, thuhej në ankesën e depozituar nga PD.
Siç duket edhe në foto, logo është zëvendësuar, teksa e reja mban sërish ngjyrat blu, por këtë herë me yje dhe numrin 4, si dhe me shkronjat “K dhe A”.
Pas vulës, tashmë duket se ka përfunduar edhe mosmarrëveshja për logon, me dy partitë që do të garojnë në zgjedhjet e 11 Majit për të fituar besimin e qytetarëve.