Kur na ndajnë edhe pak ditë nga 11 maji, vijon puna për dërgimin e materialeve zgjedhore në 12 qarqet e vendit.
Aktualisht, materialet zgjedhore kanë mbërritur në qarkun e Elbasanit të shoqëruar nga mjetet e ushtrisë dhe forcat e policisë.
Materialet zgjedhore do shpërndahen në KZAZ e bashkisë Elbasan.
Policia do të qëndrojë në gatishmëri të plotë për ruajtjen e tyre në oraret e përcaktuara nga autoritetet deri në momentin e shpërndarjes në qendrat e votimit.