Veprimi i mbështetësve të ish kryetarit të PD-së Lulzim Basha, ndaj deputetëve të partisë që dikur drejtonte ai, ka ngjallur reagime të shumta. Deputeti Ervin Salianji ka reaguar ashpër duke e quajtur Bashën “langaraq” me Ramën dhe “gangster” me demokratët. Ai thotë se edhe pse Basha është shndërruar në fatkeqësi për demokratët, ai vazhdon ende tentativat për “pronësinë e kolibes” duke përdorur çdo mjet.
Reagimi i plotë i Ervin Salianjit:
Langaraq me Ramën, gangëster me demokratët që e mbështesin! Siç e kam paralajmëruar prej më shumë se një viti LB nuk është larguar asnjë ditë, ka përdorur truke për tu zvarritur pavaresisht se nuk ka as mbështetje, as elektorat dhe as parti!
E vetmja risi nga e djeshmja ishin pamjet e dhunshme! Pamjet me dhunë verbale, presion, shantazh dhe fyerje ndaj deputetëve të PD që mendojnë ndryshe por që e kanë mbështetur maksimalisht LB tregojnē katandisjen e një njeriu qē u mbështet si shpresa e PD dhe përfundoi në fatkeqësinë e demokratëve!
Dhuna e insipruar nga LB ndaj demokratëve bëhet dhe më e rëndë kur mendon që për 10 vite me radhë sjellja ndaj Ramës dhe bandave të tij ka qënë prej të përuluri si langaraq!
Sjellja prej despoti, tentativa për pronësinë e kolibes, dhuna, gjuha dhe veprimet bien ndesh me vlerat perëndimore dhe euroatlantike, përfaqësojnë hiç më pak se putinizimin e kulturës politike! Demokratët duhet të ndahen me forcë nga kjo sjellje që po vazhdon të dëmtojë shpresat e demokratëve dhe të shoqërisë!