Është gjetur e vdekur 22 vjeçarja shqiptare, Ilaria Sula, e cila ishte zhdukur qe prej datës 25 mars në Romë. Mediat italiane bëjnë me dije se trupi i studentes u gjet brenda një valixhe në një zonë të pyllëzuar në bashkinë e Polit.
Sipas raportimeve të mediave italiane, 22 vjeçarja, e cila është regjistruar në Fakultetin e Statistikave në Universitetin La Sapienza, ishte ndarë me të dashurin para se të largohej.
Ky i fundit dyshohet se mund të jetë autor i ngjarjes së rëndë. Ai është shoqëruar në Komisariatin e Romës ku do të merret në pyetje. Kujtojmë se ishin familjarët e 22 vjeçares që kanë bërë denoncim në polici pasi nuk mund të kontaktonin me të prej disa ditësh.