Dy ditë pas krimit afër shkollës “Fan Noli”, 14-vjeçari i dyshuar si autor i krimit është marrë në pyetje nga oficerët e policisë gjyqësore.
Në dëshminë e tij, i mituri ka treguar rrethanat e konfliktit me bashkëmoshatarin, të cilin e goditi me thikë duke i shkaktuar vdekjen.
Sipas tij konflikti kishte nisur ditën e premte.
“Jemi zënë të premten sepse po më shikonte. E kishim lënë për t’u sqaruar. Pastaj jemi zënë sërish të hënën. Ai lajmëroi shokët, si dhe unë shokët e mi. Gjatë përleshjes, ndodhi ajo që ndodhi”, është shprehur ai.
Po ashtu ai nuk ka treguar se ku e ka fshehur thikën me të cilin kreu vrasjen . Ai ka deklaruar se nuk e kishte në shkollë brenda, por e kishte fshehur diku aty afër.