Stuhia e fuqishme dhe “katastrofike” Milton, aktualisht një stuhi e kategorisë 4, pritet të zbresë në tokë sonte vonë nw Florida.
Qendra Kombëtare e Uraganeve paralajmëroi se përgatitjet për të mbrojtur jetën dhe pronën, përfshirë evakuimet, duhet të “përfundojnë me shpejtësi “, përpara se moti të përkeqësohet, shkruan NBCnews.
Paralajmërimet e rritjes së stuhisë mbulojnë pothuajse të gjithë bregun perëndimor të Floridës dhe ka paralajmërime për stuhi në pjesën më të madhe të shtetit, duke përfshirë bregun lindor. Një zonë e vijës bregdetare midis Tampa dhe Fort Myers mund të shohë përmbytje deri në 15 metra.
Presidenti Joe Biden tha se uragani Milton mund të jetë “një nga stuhitë më të këqija në 100 vjet në Florida”, ndërsa ai u bëri thirrje njerëzve që të evakuohen, duke thënë: “Është një çështje jete dhe vdekjeje dhe kjo nuk është hiperbolë”.
Biden foli sot për përgjigjen ndaj uraganit Helene dhe përgatitjet për uraganin Milton, duke thënë se ai ka folur me të gjithë liderët politikë në rajon dhe u ka thënë atyre “çdo gjë që kërkojnë, ata mund ta marrin”.
Ai tha se ka marrë “një përgjigje pozitive nga të gjithë nga guvernatorët e Floridës deri në Karolinën e Veriut” dhe i dha guvernatorit të Floridës Ron DeSantis dhe kryebashkiakut të Tampa, Jane Castor, numrin e tij personal në Shtëpinë e Bardhë, nëse ata kishin nevojë për ndonjë gjë.
Uragani Milton parashikohet të arrijë në tokë të mërkurën në mbrëmje nw Florida me erëra më të fuqishme se të uraganit Helene.