Policia e Shtetit njoftoi se një punonjës i Policisë Kufitare në Dhërmi humbi jetën në krye të detyrës. Ngjarja e rënde ndodhi këtë mbrëmje teksa punonjësi i Policisë nuk ishte ndier mirë dhe ankoroi mjetin në breg. Ndihma mjekësore nuk mund ta shpëtojë policin 56 vjeçar me iniciale S.A që dyshohet se humbi jetën nga një arrest kardiak.
Informacioni paraprak i Policisë së Shtetit
Rreth orës 20:10, në Dhërmi, punonjësi i Policisë Kufitare i Stacionit të Policisë Kufitare Dhërmi, shtetasi S. A., 56 vjeç, drejtues i një mjeti lundrues të Policisë Kufitare, gjatë patrullimit në det, nuk është ndjerë mirë nga ana shëndetësore dhe për këtë shkak ka ankoruar mjetin lundures përballë stacionit të Policisë Kufitare në Dhërmi dhe ka dalë në breg.
Menjëherë është kërkuar ndihma e urgjencës mjekësore dhe pavarësisht ndërhyrjes së menjëhershme, punonjësi i Policisë, shtetasi S. A. humbi jetën.
Paraprakisht dyshohet se 56-vjeçari e ka humbur jetën për shkak të një arresti kardiak.
Grupi hetimor në bashkëpunim me ekipin mjekësor vijon punën për përcaktimin e saktë të shkakut të humbjes së jetës së 56-vjeçarit.