Apeli i Gjykatës së Posaçme ka prishur vendimin e shkallës së parë për ish-shefin e Operacionales, Oltion Bistri.
Trupa gjykuese me relator Dhimitër Lara e anëtar Daniela Shirka dhe Engert Pëllumbi vendosën dënimin e Bistrit për pastrim parash dhe korrupsion pasiv.
Sipas vendimit, për veprën penale të korrupsionit, Bistrit i është caktuar dënimi me 5 vite burgim, ndërsa për pastrimin e produkteve të veprës penale është dënuar me 7 vite burgim.
Në bashkim të dënimeve, masa përfundimtare e përcaktuar nga gjykata është 11 vite burgim.
Megjithatë, për shkak të gjykimit të shkurtuar, dënimi është reduktuar në 7 vite e 4 muaj burgim.
Kujtojmë se Bistri ishte dënuar në Shkallën e Parë me 2 vite burg, vetëm për akuzën e nxjerrjes së të dhënave sekrete.
Ai u lirua në nëntor të vitit 2025, ndersa tani pritet të rikthehet serish ne qeli.