Mjeku i njohur infeksionist Tritan Kalo është liruar nga detyra e tij si mjek, pas daljes në pension.
Por ai është shprehur i zhgënjyer që nuk ka marrë mirënjohje dhe falenderim për punën e tij, pasi siç thotë ai shpesh ka rrezikuar edhe jetën e tij, për shkak të natyrës që kanë vetë sëmundjet infektive.
Kalo punoi për 42 vite si mjek dhe vitet e fundit ka kundërshtuar disa herë hapur politika të caktuara që ndiqen nga Ministria e Shëndetësisë. Pak muaj më parë ai madje shprehu hapur disa kritika për sistemin shëndetësor, për të cilin tha se këtu nuk vlerësohet profesionalizmi, por para vendosen interesat partiake.
Dy ditë më parë mjeku Tritan Kalo është njoftuar përmes një shkrese nga QSUT për daljen e tij në pension, dhe rrjedhimisht ndërprerjen e kontratës së punës.
Postimi i Kalos:
20.07.2023…..Dy ditë pas daljes në pension e ke kohën e mjaftë të lexosh me kujdes shkresën e ardhur nga Burimet Njerzore të Drejtorisë së QSUNT-së, me anë të së cilës ti njoftohesh për daljen përfundimtare në pension…..ASGJË jo normale jashtë praktikës burokratike të njoftimeve në raste të ngjashme…..
AJO që më befasoj ishte rreshti i fundit i shkresës, ku “shprehej e koncentruar MIRËNJOHJA INSTITUCIONALE”, për kontributin tim 42 vjeçar në Shërbimin e Sëmundjeve Infektive të QSUNT-së, në lidhje me Ofrimin e Përkujdesit Mjeksor sa më cilësor për mijra e mijra të sëmurë, në kushte shpesh të rrezikshme edhe për vetë jetën time, nisur nga natyra kontagioze jetëlënduese dhe jetëmarrëse e shumë e shumë Sëmundjeve Infektive…..”DORA E NGROHTË E PUSHT-SHTETIT” ishte e lodhur për të shprehur diçka më shumë për PUNËN, PROFESIONALIZMIN dhe PËRKUSHTIMIN tim ndaj popullit dhe vëndit tim…..
MSHMS nga ana e saj kishte shumë e shumë obligime të tjera, për të evidentuar punën dhe të kontributin e të gjithë atyre, që “sapo kanë filluar të cicërojnë” në “kopështin e madh të Përkujdesit Shëndetsor Kombëtar”, sa nuk e gjeti të mundëshme të përcillte në faqen e saj zyrtare së paku një foto e një mesazh falenderues për kontributin 42 vjeçar të një individi “kenedian” si unë, i cili në çdo kohë e rrethanë KURRË nuk pa se çfarë bëri Atdheu për të, përkundrazi me mish e me shpirt u përpoq të bëj më të mirën për vëndin e për popullin e tij…..
Vetëm KM u kujdes që urimi i tij i përvitshëm për ditëlindje të mos mungojë…..ZEMËRNGROHËS ishte fakti se së paku ndjenjat e respektit e të mirënjohjes së një populli të tërë ndaj punës e kontributit tim, u shprehën më bukur e më fuqishëm se kurrë ndonjëherë…..Together forever!!!