Ka zgjatur më pak se 2 muaj puna e Donjeta Balit në krye të QSUT-së, pasi raportohet se ajo ka dhënë dorëheqjen nga posti që mbante.
Tashmë në krye të QSUT-së do të emërohet një tjetër mjek, Florenc Spaho, i cili ishte deputet i Partisë Socialiste në legjislaturën e fundit, si dhe anëtar i Komisionit të Shëndetësisë.
Spaho kandidoi edhe në zgjedhjet e 11 Majit në qarkun e Elbasanit, por nuk arriti të merrte mandatin e deputetit, pavarësisht se PS fitoi 10 deputetë në atë qark.
Ai mori 3163 vota personale, të pamjaftueshme për ta çuar sërish në Kuvendin e Shqipërisë. Pas 4 viteve në Kuvend, tashmë i është besuar drejtimi i QSUT-së me shumë probleme, që janë bërë publike edhe në media.