Gjykata e Apelit në Selanik ka dhënë dënimet për 50 të pandehur, të akuzuar për trafik droge.
Operacioni i gjerë, ku u arrestuan 60 persona u realizua mbi 5 vite më parë por 50 prej tyre u shpallën fajtorë për krijimin e një organizate kriminale dhe trafikun e drogës brenda një institucioni arsimor.
47 të pandehurit u dënuan me burgim nga 6.9 vjet deri në 15.5 vjet, ndërsa tre të tjerë u dënuan me burgim deri në tre vjet.
Gjoba nga 50.000 deri në 100.000 euro u vendosën gjithashtu për të dënuarit me burgim. Pas hetimeve, Policia e Sigurimit të Selanikut, zbuloi se në krye të grupit kriminal kishte shtetas shqiptarë.
Aktiviteti i tyre përfundoi në dhjetor 2018 kur EL.AS. siguroi prova për aktivitetin e tyre kriminal dhe kreu arrestimet.
Në materialin vizual të regjistruar nga policia, duke përdorur mjete speciale, vërehen lëvizjet e personave të përfshirë për 57 ditë të tëra, ndërsa në të njëjtën kohë ka pasur vëzhgim në të gjitha pikat e veprimit të tyre.
Sipas hetimeve, dy muaj para arrestimit, të pandehurit duket se kanë fituar mbi 500.000 euro duke bërë 500 blerje dhe shitje në ditë.