Një ngjarje e rëndë ka ndodhur sot në ambientet e një objekti në ndërtim në Kune–Shëngjin ku një punëtor ka humbur jetën.
Policia njofton se 36 vjeçari A. Z dyshohet se ka rënë aksidentalisht në vendin ku do të vendosej ashensori dhe për pasojë, ka humbur jetën.
Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës.
Ndërkohë po punohet për zbardhjen e plotë të rrethanave të ngjarjes.
Shëngjin / Informacion paraprak
Rreth orës 16:30, Salla Operative e DVP Lezhë është njoftuar se, në ambientet e një objekti në ndërtim në Kune–Shëngjin, shtetasi A. Z., 36 vjeç, banues në Pllanë, Lezhë, dyshohet se ka rënë aksidentalisht nga lartësia e vendit ku do të vendosej ashensori dhe, për pasojë, ka humbur jetën.
Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës.
Grupi hetimor ndodhet në vendngjarje dhe po punon për sqarimin e plotë të rrethanave dhe dokumentimin me prova ligjore të këtij rasti.