GJKKO ka lënë në fuqi masën e sigurisë “arrest me burg” për Bujar Shegën. Para GJKKO ai ka mohuar akuzat e dyshuara nga SPAK për trafik ndërkombëtar kokaine dhe pastrim parash.
Biznesmeni u arrestua në nëntor te viti te kaluar ne Milano të Italisë me kërkesë të SPAK për tre vepra penale, “trafik të lëndëve narkotike” të një ngarkese prej 930 kilogramëve kokainë të kapur në vitin 2020, “per grup të strukturuar kriminal” dhe për “pastrim të parave.”
Ai është administrator i dy kompanive Viola Green dhe Wonder Green, përmes të cilave dyshohet se pasatronte paratë e disa grupeve, përfshirë të organizatës së Suel Çelës dhe gjithashtu të një grupi me bazë në Dubai, që ka investuar në Tiranë në pasuri të paluajtshme.
Grupi i Suel Celës u godit nga Spak në Nëntot të vitit 2024, ku u leshuan 21 urdhër arreste mes të cilëve gazetarë, ish drejtues policie dhe ish-gjyqtarë.
Mes 21 masave të sigurisë si pjesë e një mega operacioni të SPAK për të shkatërruar grupin kriminal me shtrirje ndërkombëtare të dyshuar se drejtohet nga Suel Çela në Elbasan, masë sigurie është lëshuar edhe për Suel Çelën, i cili vijon të jetë në kërkim.