Një 22-vjeçare shqiptare u vra në mënyrë makabre nga ish-i dashuri i saj në Itali. Shqiptarja, e cila studionte në Universitetin “La Sapienza” u masakrua me thikë nga i dashuri filipinas.
Sipas hetimeve, autori pasi e vrau e futi në valixhe trupin e shqiptares dhe e dërgoi në një zonë të pyllëzuar në Poli në Itali.
Autori është arrestuar, ndërsa ka pranuar krimin para hetuesve italianë. Për krimin e rëndë ka reaguar edhe Universiteti i Romës “La Sapienza’, i cili ka shprehur ngushëllimet për shqiptaren Ilaria Sula
Me një reagim në rrjetet sociale, Universiteti italian e ka cilësuar vrasjen e saj si një krim të tmerrshëm dhe tepër brutal.
‘Fatkeqësisht, Ilaria u gjet e pajetë: një krim i tmerrshëm dhe brutal që na lë pa fjalë dhe me zemra të thyera. Në këtë moment dhimbjeje, ne jemi me familjen e studentes sonë, të dashurve të saj më të afërt dhe të gjithë komunitetit studentor të Sapienzës, i cili ditët e fundit u bashkua në një kërkim të dëshpëruar për të. Më 2 prill, të mërkurën, në orën 18:30, për të kujtuar Laria Sula, kushdo mund të sjellë një lule në Ndërtesën e Statistikave’, thuhet në postimin e universitetit.