Një situatë e paprecedent ka ndodhur në Itali ku ish-kryeministri, Romano Prodi ka tërhequr për flokësh një gazetare, pasi nuk i pëlqeu pyetja e saj.
Incidenti që po diskutohet gjerësisht në rrjet ka ndodhur fundjavën e kaluar. Gazetarja Lavinia Orefici, i kërkoi ish-Presidentit të Komisionit Evropian një koment mbi një pasazh në Manifestin e Ventotenes për bashkimin e Europës, në lidhje me pronën private. Prodi u shfaq i bezdisur nga pyetja dhe në një video të publikuar më vonë në La7, duket kur politikani i tërheq flokët gazetares.
Lavinia Orefici tha se u ndje e poshtëruar si gazetare dhe si grua nga gjesti i papërshtatshëm. “Presidenti Prodi, përveç se u përgjigj me një ton agresiv dhe frikësues, më kapi një tufë flokësh dhe i tërhoqi. Ishte tronditëse për mua”, deklaroi ajo lidhur me incidentin.
Vetë Prodi, deklaroi se kontakti ishte i rastësishëm dhe pa asnjë qëllim ofendues ndaj gazetares Orefici.
La7 ha trasmesso durante la trasmissione “Di Martedì” un video inedito sulla lite tra l’ex Presidente Romano #Prodi e la giornalista Lavinia #Orefici@ultimora_pol pic.twitter.com/RO4v3ajpTg
— Ultimora.net – POLITICS (@ultimora_pol) March 26, 2025