Tronditet Kosova, polici vritet në derën e shtëpisë, ende asnjë i arrestuar

Një ngjarje e rëndë ka ndodhur në Kaçanik të Kosovës ku u vra një efektiv policie. Krimi ka ndodhur në shkallët e pallatit ndërsa polici i vrarë është identifikuar si Muhamed Lika. Ky i fundit u dërgua në spital, por nuk u mbijetoi plagëve të marra.

Sindikata e Policisë së Kosovës ka dënuar vrasjen e policit, duke thënë se “ky akt i rëndë është një atentat i drejtpërdrejtë ndaj sigurisë publike, ligjit dhe vetë shtetit të Kosovës”.

“Çdo sulm ndaj një zyrtari policor është sulm ndaj Republikës së Kosovës! Policia e Kosovës është shtylla kryesore e rendit dhe sigurisë në vend. Prekja e saj është përpjekje për të minuar themelet e shtetit tonë dhe nuk do të tolerohet”, thuhet në reagimin e SPK-së

Kryetari i Komunës së Kaçanik, Besim Ilazi, përmes një postimi në rrjete sociale ka shprehur ngushëllimet e tij për ngjarjen e rëndë, dhe shkruan se është i tronditur nga vdekja e ish-ushtarit të UÇK-së.