Katër shqiptarë të përfshirë në një rast të madh droge dhe emigracioni kanë marrë dënime të rënda burgimi pas një hetimi nga Njësia për Drogën dhe Krimet e Organizuara të Rënda të Policisë së Thames Valley (DSOC).
Dritan Meta, 43 vjeç, Ilir Kodra, 49 vjeç, Refik Skepi, 45 vjeç dhe Visar Elezaj, 39 vjeç, u dënuan të gjithë për rolet e tyre në një operacion të përpunuar kundër Krimit të Organizuar.
Meta, kreu i grupit, më herët u deklarua fajtor për akuzat e shkeljes së ligjit të imigracionit në Mbretërinë e Bashkuar dhe prodhimit të kanabisit në Gjykatën e Kurorës së Reading, përkatësisht më 15 prill dhe 20 mars.
Meta u dënua me 11 vite burg më 3 shtator gjatë seancës në gjykatën e Berkshire.
I shfaqur përkrah Metës, Skepi, nga Thornton Road, Reading, u deklarua fajtor për prodhimin e kanabisit dhe u dënua me gjashtë vjet burg.
Kodra, nga Boundary Brook Road, Oxford, pranoi të njëjtën vepër penale më 20 maj dhe mori një dënim me katër vjet e shtatë muaj.
Elezaj, i fundit i grupit, u shpall fajtor vetëm për prodhimin e kanabisit dhe për pasojë mori një dënim me tre vjet e gjashtë muaj pas një gjyqi pesë-javor.
Operacioni kundër Bandës së Krimit të Organizuar me bazë në Oksford filloi në prill 2022 dhe zbuloi kultivim të konsiderueshëm të drogës në të gjithë vendin.
Një aspekt kyç i operacioneve të grupit ishte kontrabandimi i emigrantëve nga Dunkirk në Francë në MB duke përdorur varka të vogla si gomone.
