Kushdo që jetonte në Tokë midis 720 dhe 635 milionë vjet më parë, ndoshta do të kishte nevojë për rroba shumë më të trasha.
Gjeologët kanë dyshuar prej kohësh se temperatura e Tokës ra në mënyrë dramatike gjatë asaj kohe, duke rezultuar në një Tokë të quajtur “Snowball”, apo “top bore”.
Por ata kanë debatuar jo pak se sa i akullt u bë planeti – konkretisht nëse akulli i trashë mbuloi të gjithë globin.
Tani, provat e reja të gjetura në gurët ranorë Tavakaiv, ose “Tava”, në Malet Shkëmbore të Kolorados mbështesin nocionin se Snowball ishte me të vërtetë një fenomen global.
“Ky studim paraqet provat e para fizike që të ftohtit arriti në zemër të kontinenteve”, tha Liam Courtney-Davies, autori kryesor i studimit dhe studiues postdoktoral në Departamentin e Shkencave Gjeologjike në Universitetin e Kolorados, Boulder.
Shkencëtarët mblodhën mostrat e mineraleve nga shkëmbinjtë Tava, të cilët janë të pasur me oksid hekuri dhe ekipi më pas i goditi me një lazer, duke lëshuar sasi të vogla të elementit radioaktiv uranium, shkruan yahoonews.
Siç raportohet, me anë të kësaj teknike studiuesit ishin në gjendje të dallonin se kur shkëmbinjtë mund të ishin vendosur nën tokë – diku midis 690 dhe 660 milion vjet më parë, në mes të fazës së dyshuar të Snowball.
Courtney-Davies shtoi gjithashtu se njohja e më shumë për këtë periudhë në historinë e Tokës mund t’i ndihmojë shkencëtarët të kuptojnë marrëdhënien midis klimës së Tokës dhe tranzicioneve të mëdha evolucionare në historinë e jetës.
Për shembull, organizmat e parë shumëqelizorë, paraardhësit e kafshëve dhe bimëve moderne, mendohet se janë shfaqur në oqeane jo shumë kohë pasi Snowball është shkrirë përfundimisht.
Ky studimi u botuatë hënën (11 nëntor) në revistën Proceedings of the National Academy of Sciences