Seanca e nesërme plenare pritet të jetë e mbushur me debate dhe akuza për shkak të disa çështjeve që pritet të diskutohen.
Sipas rendit të ditës, neser do të zhvillohet interpelanca e kërkuar nga kreu i grupit parlamentar të PD, Gazment Bardhi në lidhje me anijet e nisura nga Porti i Durrësit, të cilat transportonin mbetje të rrezikshme drejt Tajlandës.
Gjithashtu edhe numri dy i qeverisë, zv.kryeministrja Belinda Balluku do të ketë një interpelancë me deputetët e PD, për ndërtimin e segmentit Thumanë-Kashar me akuzat që bllokojnë aksesin e qytetarëve që banojnë në zonat pranë.
Një tjetër çështje e nxehtë që do të diskutohet do të jetë edhe mandati i deputetes Olta Xhaçka.
Seanca e nesërme vjen pas takimit që kryetarja e Kuvendit, Elisa Spiropali zhvilloi një ditë më parë me krerët e grupeve parlamentare, ku kërkoi që jeta parlamentare të zhvillohet qetësisht, ndryshe nga sesioni i kaluar ku opozita bllokoi prej muajsh Kuvendin.
Ky i fundit ju rikthye normalitetit pas PS pranoi disa prej kushteve të opozitës, siç ishin ngritja e komisionieve hetimore për TIMS dhe koncesionet në shëndetësi.
RENDI I DITËS:
Në mbështetje të urdhrit nr. 59, datë 10.9.2024 të Kryetares së Kuvendit, znj. Elisa Spiropali, rendi i ditës është si më poshtë vijon:
1. Miratimi i procesverbalit të seancës plenare të datës 2.9.2024. (Neni 44, pika 2 e Rregullores së Kuvendit)
2. Njoftime (Neni 44, pika 3 e Rregullores së Kuvendit)
3. Interpelancë urgjente me Kryeministrin e Shqipërisë zotin Edi Rama, kërkuar nga deputeti Gazment Bardhi.
4. Interpelancë urgjente me Zëvendëskryeministren dhe Ministren e Infrastrukturës dhe Energjisë zonjën Belinda Balluku, kërkuar nga një grup deputetësh të Partisë Demokratike.
5. Akt normativ nr. 2 datë 1.8.2024.”Për disa ndryshime dhe shtesa në ligjin nr.123/2014, “Për urdhrin e mjekëve në Republikën e Shqipërisë”.
6. Akt normativ nr. 3 datë 28.8.2024.”Për disa ndryshime dhe shtesa në ligjin nr. 97/2023, “Për buxhetin e vitit 2024””, të ndryshuar.
7. Projektligj “Për ratifikimin e marrëveshjes së huas, ndërmjet Republikës së Shqipërisë (huamarrësi) dhe Agjencisë Franceze për Zhvillim (huadhënësi), për financimin e projektit “Një hua për politika publike për të mbështetur aftësinë përtëritëse dhe zhvillimin e gjelbër të Shqipërisë””
8. Projektligj “Për ratifikimin e letrës së pjesëmarrjes së Këshillit të Ministrave të Republikës së Shqipërisë në memorandumin e mirëkuptimit për Qendrën Evropiane të Ekselencës kundër Kërcënimeve Hibride””.
9. Projektligj “Për disa ndryshime dhe shtesa në ligjin nr.64/2012, “Për peshkimin”, të ndryshuar.
10. Projektligj “Për inspektimin në Republikën e Shqipërisë”.
11. Projektligj “Për disa ndryshime dhe shtesa në ligjin nr.43/2023, “Për qeverisjen elektronike”
12. Projektligj “Për një shtesë në ligjin nr. 43/2016, “Për marrëveshjet ndërkombëtare në Republikën e Shqipërisë””.
13. Projektvendim “Për dërgimin në Gjykatën Kushtetuese të mocionit të 1/10 së deputetëve për papajtueshmërinë e mandatit të deputetes Olta Xhaçka”.
14. Diskutime për çështje jashtë rendit të ditës.