Kreyministri Edi Rama ka lajmëruar sot ndryshime sa i takon komisioneve parlamentare, ku 7 prej tyre do të drejtohen nga mazhoranca dhe katër nga opozita. Këto ndryshime sipas Ramës, janë në funksion siç u shpreh të integrimit të Shqipërisë në Bashkimin Europian.
Gjatë mbledhjes së Asamblesë së PS, Rama njoftoi se si do të bëhet ndarja e këtyre komisioneve, ku të majtët do të drejtojnë:
Komisionin për Ekonominë, Punësimin dhe Financat
Komisionin për Çështjet Ligjore dhe Administratën Publike
Komisionin për Çështjet e Brendshme dhe të Mbrojtjes
Komisionin për Burimet Natyrore, Infrastrukturën dhe Zhvillimin e Qëndrueshëm
Komisionin për Bujqësinë, Ushqimin dhe Zhvillimin Rural
Komisionin për Evropën dhe Punët e Jashtme
Komisionin për Nismat Qytetare, Bashkëpunimin dhe Mbikëqyrjen Institucionale
Ndërkohë këto janë komisionet të cilat do të drejtohen nga opozita:
Komisioni për Edukimin, Shkencën dhe Sportet
Komisioni për Shëndetësinë dhe Mirëqenien Sociale
Komisioni për të Drejtat e Njeriut dhe Mjetet e Informimit Publik
Komisioni për Kulturën, Turizmin dhe Diasporën