Këshilli Drejtues i Radio Televizionit Shqiptar vendosi të rihapë garën për zgjedhjen e drejtorit të përgjithshëm.
Me të gjithë votat e anëtarëve prezentë, Këshilli rrëzoi procedurat e hapura më 6 janar për zgjedhjen e Drejtorit të Përgjithshëm të RTSH, një procedurë kjo, e cila u pezullua më 30 janar pas kërkesës së Komisionit parlamentar për Edukimin dhe Mjetet e Informimit Publik.
Deri në datën 15 prill, të interesuarit do të duhet të paraqesin pranë Radio Televizionit Shqiptar dokumentet e kërkuara sipas procedurave ligjore,
“… të miratojë sot hapjen e garës së konkurrimit për Drejtor të Përgjithshëm të Radio Televizionit publik Shqiptar. Të interesuar do të kenë afat nga nesër deri në datën 15 prill 2025, brenda orarit zyrtar, për të dorëzuar dokumentacionin sipas kritereve të përcaktuara”, tha kryetari i Këshillit Drejtues, Fatjon Hoxhalli.