Një plagosje me armë zjarri është regjistruar këtë të enjtë në lagjen Rus të Shkodrës.
Mësohet se i plagosur ka mbetur Vladimir Bruçi, teksa autor është fqinji i tij, Pjetër Bitani. Ky i fundit është shpallur në kërkim nga blutë e Shkodrës.
Rrethanat e plagosjes janë ende të paqarta.
“Rreth orës 14:30, në lagjen “Partizani”, dyshohet se shtetasi P. B. ka plagosur me armë zjarri shtetasin V. B., për motive të dobëta.
Shtetasi V. B. u dërgua në spital dhe po merr mjekim.
Shërbimet e Policisë kanë shkuar menjëherë në vendngjarje dhe po punojnë për kapjen e autorit të dyshuar”- njofton policia.
Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.